Shahid khan afridi strongly denied the abuse news of Indian Actors

اسلام آباد(آن لائن) قومی ٹیم ٹی ٹونٹی ٹیم کے کپتان شاہدخان آفریدی نے کہا ہے کہ جس بھارتی اداکارہ نے میرے ساتھ دوستی کا دعویٰ کیا ہے میں اس کو جانتا تک نہیں۔فلموں میں کام کرنے کی پیشکش ہوئی لیکن ان آفرز کو رد کر دیا۔ سپانسر نے کرکٹ کو بہت سپورٹ کیا۔ ایک میگزین کو انٹرویو دیتے ہوئے انہوں نے کہا کہ ویسے تو کسی کا بھی کوئی بھی سکینڈل بنا دیا جاتا ہے جس میں بعض اوقات سچائی بھی ہوتی ہے اور جھوٹ بھی لیکن میرے خیال میں سکینڈلز نہ بنوانا چاہیں تو نہیں بنتے ہیں ایک بھارتی اداکارہ عرشی خان کی دوستی کے دعویٰ پر انہوں نے کہا کہ جس اداکارہ نے میرے ساتھ دوستی کا دعویٰ کیا ہے میں اس کو جانتا تک نہیں ہوں۔ انہوں نے کہا کہ مجھے انڈیا اور پاکستان فلم انڈسٹری میں کام کرنے کی پیشکش ہوئی لیکن یہ میرا شوق نہیں ہے اس لیے ایسی آفرز کو رد کر دیا۔ ایک سوال کے جواب میں انہوں نے کہاکہ کمرشلز میں کام کرنا کرکٹ کھیلنے سے بالکل ہٹ کر ہے اس لیے مجھے کیمرے کے سامنے آنا اور شوٹ کروانا اچھا لگتا ہے۔