ساڈا کدرے ناں وی کوئی نہیں
تیری گل اے ، اے کوئی گل اے؟
او ساڈے سِر تے تیری ساری
بھل و بھل اے ، اے کوئی گل اے؟
تینوں دل دا مسلئہ دسیا
اے وی دسیا مسلئہ توں ایں
تیرے ولوں نہ کوئی تسلی
نہ کوئی حل اے ، اے کوئی گل اے؟
ساڈے لئی نہ رہن نوں تھاں اے
نہ کوئی رُخ اے ، نہ کوئی چھاں اے
او تیر ا ہر گھر لگ دا اے جیویں کوئی
تاج محل اے، ، اے کوئی گل اے؟
لوکاں نال تو کھِڑ کھِڑ ہسیں
خوشی مناویں ،رسیں ،وسیں
ساڈا ہو کے ،تے ساڈے لئی
بس اج تے کل اے، اے کوئی گل اے؟
صغیر احمد صغیر
No comments:
Post a Comment